ဝိညာဉ်တိုက်ပွဲ (အပိုင်း ၁) အခန်း ၁

အပိုင်း (၁)

စစ်ပွဲ၏သဘောသဘာဝ

အခန်း (၁)

ပြိုင်ဆိုင်တိုက်ခိုက်နေသော နိုင်ငံတော် (၂) ခု

            ဓမ္မသစ်ကျမ်းစာထဲ၌ ယုံကြည်သူများကို ဖော်ပြရာ၌ ပုံဖော်မှုအမျိုးမျိုး အသုံးပြု ကြောင်း တွေ့ရှိရပါသည်။ ဥပမာအားဖြင့် ဧဖက်ဩ၀ါဒစာထဲတွင် အခွင့်အာဏာရှိသော လူစု(သို့) အိမ်ထောင်မိသားစုတစ်ခု(သို့)အသင်းတော်(သို့) ခရစ်တော်၏သတို့သမီးစသ ဖြင့် ယုံကြည်သူများကို ရုပ်လုံးဖော်ရေးသားထားပါသည်။ ၎င်းအပြင် စစ်သားအသွင်ဖော်ပြ ထားကြောင်း တွေ့ရှိရပါသည်။

            စစ်သားဟုဆိုရာ၌ ကျွန်ုပ်တို့နေထိုင်သော ကမ္ဘာ၌ ရန်သူ၏ထိပါးတိုက်ခိုက်ခြင်းကို လည်းကောင်း၊ ရန်သူကို တိုက်ခိုက်ဖိုပရန်လည်းကောင်း၊ ဆက်ကပ်ထားသောစစ်တပ်ဖြစ် ပါသည်။

            စစ်တိုက်ခြင်းသဘောသဘာဝကို ရှင်းလင်းဖော်ပြသည့် ကျမ်းပိုဒ်မှ ဧဖက်ဩ၀ါဒ စာ ၆း၁၀-၁၂ ဖြစ်ပါသည်။

“ကြွင်းသေးသော စကားဟူမူကား၊ ညီအစ်ကိုတို့၊ သခင်ဘုရားအားဖြင့်၎င်း၊ တန်ခိုးတော်အရှိန်အားဖြင့်၎င်း၊ ခိုင်ခံ့ခြင်းရှိကြလော့။ မာရ်နတ်၏ပရိယာယ်တို့ကို ဆီး တားနိုင်မည်အကြောင်း၊ ဘုရားသခင်ပြင်ဆင်တော်မူသော လက်နက်စုံကို ၀တ်ဆင် ကြလော့။”

            ရှင်ပေါလုက ခရစ်ယာန်များ၏ရန်ဘက်သည် စာတန်မာရ်နတ်ကိုယ်တိုင်ဖြစ်သော ကြောင့် သင့်လျော်သော လက်နက်စုံကို ပြင်ဆင်ရန် လိုအပ်ကြောင်းပြောပြထားပါသည်။ ပိုမိုပြည့်စုံသော တိုက်ပွဲ၏သဘောသဘာဝကို အခန်းငယ်(၁၂)မှာ ရှင်းပြသွားပါသည်။

အကြောင်းမူကား၊ ငါတို့သည် အသွေးအသားရှိသော ရန်တို့နှင့် ဆိုင်ပြိုင်တိုက်လှန်ရြ ကြသည်မဟုတ်။ အထွဋ်အမြတ်တို့နှင့်၎င်း၊ အာဏာစက်တို့နှင့်၎င်း၊ လောကီမှောင်မိုက် ၌အစိုးတရပြုလုပ်သော မင်းတို့နှင့်၎င်း၊ မိုးကောင်းကင်၌နေသော နတ်ဆိုးတို့နှင့်၎င်း ဆိုင်ပြိုင်တိုက်လှန်ရကြ၏။

            ထို့ကြောင့် ခရစ်ယာန်ဖြစ်သော ကျွန်ုပ်တို့သည် အလွန်ကြီးမားသော တိုက်ပွဲတစ် ခုတွင် ပါဝင်နေရကြောင်း ထင်ရှားစွာတွေ့ရှိရပါသည်။ ထိုသို့သောအားဖြင့် ကျွန်ုပ်တို့စဉ်း စားဖို့လိုအပ်လာကြောင်း စိတ်လှုပ်ရှားဖွယ်ရာ သိရှိရပါသည်။

            ဧဖက်ဩ၀ါဒစာ ၆း၁၂ ကို မူရင်းဂရိဘာသာနှင့် မကြာခဏအချိန်ယူပြီး ဆင်ခြင် လေ့လာပြီးနောက် ကိုယ်ပိုင်ပြန်ဆိုချက်တစ်ခုကို ရရှိလာခဲ့ပါသည်။ ၎င်းပြန်ဆိုချက်မှာ

“ငါတို့ယှဉ်ပြိုင်ထိုးသတ်သော နပန်းပြိုင်ပွဲဟာ အသွေးအသားရှိသော ရန်သူတို့နှင့် ထိုးသတ်နေရခြင်းမဟုတ်၊ ခန္ဓာကိုယ်ရှိသော လူပုဂ္ဂိုလ်များနှင့်လည်းမဟုတ်။ သို့သော် နယ်ပယ်အမျိုးမျိုးမှ အဆင့်ဆင့် အာဏာစက်များဖြင့် အုပ်ချုပ်သောသူများ၊ လောကမှောင်မိုက်ကမ္ဘာကို လွှမ်းမိုးချုပ်ကိုင်နေသူများ၊ မိုးကောင်းကင်များ၌နေသော ကောက်ကျစ်သည့်နတ်ဆိုးများနှင့် ဆိုင်ပြိုင်တိုက်လှန်နေရကြ၏။”

            အချို့စကားလုံးများရွေးပြီး ၎င်းတို့၏အဓိပ္ပါယ်ဆိုလိုရင်းကို ကျွန်ုပ်ရှင်းပြချင်ပါ သည်။ “နယ်ပယ်အမျိုးမျိုးမှာ အဆင့်ဆင့်အာဏာစက်များဖြင့် အုပ်ချုပ်သူများဟု ပြော လိုက်ခြင်းသည် ကောင်းမွန်စနစ်ကျစွာ စည်းရုံးပြီး အဆင့်မြင့်မြင့် ဖွဲ့စည်းတည်ဆောက် ထားသည့် နိုင်ငံတော်ဖြစ်ကြောင့်နှင့် အဆင့်ဆင့်ဆင်းသက်သော အာဏာနှင့်ခြားနားသော နယ်ပယ်အသီးသီးကို သိမ်းယူအုပ်ချုပ်သောသူများဖြစ်ကြောင်း ပုံဖော်လိုခြင်းဖြစ်သည်။

            “လောကမှောင်မိုက်ကမ္ဘာကို လွှမ်းမိုးချုပ်ကိုင်နေသူများ”ဟူသော စကားကို အသုံးပြုရာ၌ “လွှမ်းမိုးချုပ်ကိုင်သည်”ဟူသော အသုံးအနှုန်းသည် စာတန်မာရ်နတ်က လူသားများကို ဆက်ဆံရာ၌ အသုံးချသည့်နည်းကို ကွက်ကွက်ကွင်းကွင်းပေါ်လွင်ထင်ရှား စေပါသည်။

            မူလအဓိပ္ပါယ်ကို ဘာသာပြန်ရာတွင် အဆင့်မြင့်မြင့် ဖွဲ့စည်းထားသော နိုင်ငံတော် ၏ဌာနချုပ်သည် အထက်ကောင်းကင်ယံတွင်ရှိကြောင်း အထူးပြုဖော်ပြထားပါသည်။

            ဧဖက်၊ ၆း၁၂၌တွေ့ရသည့်အတိုင်း ဤတိုက်ပွဲတွင် ခရစ်ယာန်အားလုံး ပါဝင်ကြပါ သည်။ သာသနာပြုဆရာများ၊ သင်းအုပ်ဆရာ(သို့)ဧ၀ံဂေလိဆရာများသာ ပါဝင်ကြခြင်း မဟုတ်ဘဲ ခရစ်ယာန်တိုင်း ပါဝင်ကြပါသည်။ မြောက်များစွာသော ခရစ်ယာန်များသည် ဤအကြောင်းကို မသိနားမလည်ဖြစ်ကြသည်။

            အခန်းငယ်(၁၂)တွင် ဖော်ပြထားသည်မှာ “ငါတို့သည် အသွေးအသားနှင့် ဆိုင်ပြိုင်တိုက်လှန်ကြရသည်မဟုတ်. . .”ဟူ၍ တွေ့ရှိရပါသည်။ တစ်ခါတုန်းက ဤကျမ်း ပိုဒ်နှင့်ပတ်သက်ပြီး လူတစ်ယောက်၏မှတ်ချက်ကို ကျွန်ုပ်ကြားမိသည်မှာ ခရစ်ယာန်အများ စုက ဤကျမ်းပိုဒ်ကို မှားမှားယွင်းယွင်း နားလည်တတ်ကြပါသည်။ ထိုသူတို့၏ဖတ်ပုံဖတ် နည်းမှာ “ငါတို့သည် . . . တိုက်လှန်ကြရသည်မဟုတ်ပါ . . .”တစ်နည်းပြောရရင် ဗိမာန် တော်ပလ္လင်အထက်မှာထိုင်ပြီး ဓမ္မသီချင်းများကို ဆိုရုံသာဖြစ်သည်ဟု အဓိပ္ပါယ်ကောက်ကြ သည်။ သို့သော် ပေါလုပြောလိုသည်မှာ “ငါတို့သည် ထိုးသတ်ပွဲတစ်ခုတွင် ပါဝင်နေကြ သည်။ သို့သော် ထိုပွဲသည် အသွေးအသားဖြင့် ဆိုင်ပြိုင်သော ထိုးသတ်ပွဲမဟုတ်”ဟူ၍ ဆိုလိုခြင်းဖြစ်ပါသည်။

            တစ်ဖန် “ထိုးသတ်ပွဲ”ဟူသော စကား၏အရေးပါမှုကို စဉ်းစားကြပါစို့။ ‘ထိုးသတ် ခြင်း’သည် လူနှစ်ဦးအကြား ရန်ဖြစ်ခြင်း၊ ပဋိပက္ခဖြစ်ခြင်းတို့၌အပြင်းအထန်ဆုံးသော အဆင့်ဖြစ်ပါသည်။ ထိုထိုးသတ်ပွဲတွင် အောင်ပွဲရဖို့ရန် ကိုယ်ခန္ဓာအစိတ်အပိုင်းအားလုံးမှ အစွမ်းရှိသမျှနှင့် နည်းပညာအားလုံးကို အသုံးပြုရမည်ဖြစ်သည်။

            စာတန်၌အဆင့်မြင့် ဖွဲ့စည်းထားသော နိုင်ငံတော်ရှိပြီး၊ ဒေသအမျိုးမျိုးနှင့် အခွင့် အာဏာ အဆင့်ဆင့်ရှိသည်။ နိုင်ငံတော်၏ဌာနချုပ်များသည် ကောင်းကင်အရပ်များ၌ ရှိ သည်။ စိတ်တုန်လှုပ်ချောက်ချားစေသော အချက်တစ်ခုဖြစ်သော်လည်း ရှင်းရှင်းလင်းလင်း တွေ့ရသောအရာဖြစ်ပါသည်။

            စာတန်မာရ်နတ်သည် အဆင့်မြင့်မြင့်ဖွဲ့စည်းထားသော နိုင်ငံတော်တစ်ခု၏ အကြီးအကဲဖြစ်သည်ဟူသော အချက်က လူအချို့ကို အံ့ဩစေပါသည်။ ရှင်မဿဲခရစ်ဝင် ၁၂း၂၂-၂၈ မှာ၊ ခရစ်တော်၏ အမှုတော်ဆောင်ခြင်းမှာ မျက်စိကန်းပြီးအနေသည့် နတ်ဆိုး စွဲသူတစ်ဦးကို နတ်ဆိုးနှင်ထုတ်ပေးခြင်းဖြင့် ကျန်းမားခြင်းပေးခဲ့ကြောင်း မှတ်တမ်းတင် ထားသည်။ (မဿဲ၊ ၁၂း၂၃-၂၄)မှာ -

“လူအစုအဝေးအပေါင်းတို့သည် မိန်းမောတွေဝေ၍ ဤသူသည် ဒါဝိဒ်၏သားတော်ဖြစ် လိမ့်မည်လောဟု မိန်းမောတွေဝေ၍ ဤသူသည် ဒါဝိဒ်၏သားတော်ဖြစ်လိမ့်မည်လော ဟု ပြောဆိုကြ၏။ ဖာရိရှဲတို့သည်ကြားလျှင်၊ ဤသူသည် နတ်ဆိုးမင်း ဗေလဇေဗုလကို အမှီပြု၍သာ နတ်ဆိုးတို့ကို နှင်ထုတ်ကြသည်ဟု ဆိုကြ၏။”

            ဗေလဇေဗုလ၏အဓိပ္ပါယ်မှာ “ပျံသန်းသောအရာများ၏အရှင်” ဖြစ်ပြီး၊ စာတန်၏ ဘွဲ့နာမတစ်ခုဖြစ်သည်။ အထူးသဖြင့် နတ်ဆိုးများကို အုပ်ချုပ်သူဖြစ်သည်။ အကြောင်းမှာ နတ်ဆိုးများကို ပျံသန်းသည့် အင်းဆက်များကဲ့သို့ နှိုင်းယှဉ်ထားသောကြောင့်ဖြစ်သည်။ အခန်းငယ်(၂၅)တွင် ယေရှုက ဖာရိရှဲတို့ကို တုံ့ပြန်ပြောဆိုသည်မှာ မဿဲ၊၁၂း၂၅-၂၆ တွင်

“ယေရှုသည် ထိုသူတို့၏စိတ်ကို သိတော်မူသည်ဖြစ်၍ တိုင်းနိုင်ငံမည်သည်ကား၊ မိမိနှင့်မသင့်မတင့်ကွဲပြားလျှင် ပျက်စီးခြင်းသို့ရောက်လိမ့်မည်။ မြို့ရွာဖြစ်စေ၊ အိမ်ဖြစ် စေ၊ မိမိနှင့်မသင့်မတင့် ကွဲပြားလျှင် မတည်နိုင်ရာ။ စာတန်သည်လည်း စာတန်ကို နှင် ထုတ်သည်မှန်လျှင်၊ သူသည် မိမိနှင့်ကွဲပြား၏။ သူ၏နိုင်ငံသည် အဘယ်သို့တည်နိုင် မည်နည်း။”

            ဤနေရာ၌ ရှင်းရှင်းလင်းလင်းတွေ့ရသည်။ ပထမဆုံးသော အကြောင်းအရာမှာ စာတန်၌ နိုင်ငံတော်ရှိသည်။ ဒုတိယမှာ ၎င်းနိုင်ငံသည် ကွဲကွဲပြားပြားရှိသောနိုင်ငံမဟုတ် အဆင့်မြင့်မြင့် စည်းရုံးပြီး ဖွဲ့စည်းထားသော နိုင်ငံဖြစ်သည်။ တတိယမှာ ရပ်တည်လျက်ရှိ သောနိုင်ငံဖြစ်ပြီး အရေးနိမ့်ခြင်းမရှိသော နိုင်ငံတော်ဖြစ်သည်။ မဿဲ၊၁၂း၂၇-၂၈ တွင်

“ငါသည် ဗေလဇေဗုလကို အမှီပြု၍ နတ်ဆိုးတို့ကို နှင်ထုတ်သည်မှန်လျှင်၊ သင်တို့၏ သားတို့သည် အဘယ်သူကို အမှီပြု၍ နှင်ထုတ်ကြသနည်း။ ထို့ကြောင့် သူတို့သည် သင်တို့အား တရားစီရင်သောသူဖြစ်ကြလိမ့်မည်။ ငါသည် ဘုရားသခင်၏၀ိညာဉ်တော် ကို အမှီပြု၍ နတ်ဆိုးတို့ကို နှင်ထုတ်သည်မှန်လျှင်၊ အကယ်စင်စစ် သင်တို့၌ ဘုရား သခင်၏နိုင်ငံတော်တည်ချိန်ရောက်လေပြီ”

            ဤနေရာတွင် ယေရှုခရစ်က ဘုရားသခင်၏နိုင်ငံတော်ကို ဖော်ပြခြင်းဖြစ်ပါသည်။ အထူးသဖြင့် ပဋိပက္ခဖြစ်နေတဲ့ နိုင်ငံတော်(၂)ခုအကြား အခြေအနေကို ဖွင့်ဟရာတွင် အချက်တစ်ခုကို ဖောပြခြင်းဖြစ်သည်။ ခရစ်တော်က “ငါသည် ဘုရားသခင်၏ ၀ိညာဉ်တော် ကို အမှီပြု၍ နတ်ဆိုးတို့ကို နှင်ထုတ်သည်မှန်လျှင်၊ အကယ်စင်စစ် သင်တို့၌ ဘုရားသခင် ၏နိုင်ငံတော်တည်ချိန်ရောက်လေပြီ။” ဖော်ပြနေသောအချက်မှာ နတ်ဆိုးများကို နှင်ထုတ် သောအမှုကို ဆောင်ရွက်ခြင်းသည် စာတန်၏စွမ်းအားအနေအထားကို အထင်အရှားဖွင့်ပြ လိုက်ခြင်းဖြစ်ပြီး၊ သာ၍အခွင့်အာဏာနှင့် တန်ခိုးမြင့်မားခြင်းရှိသော ဘုရားသခင်၏နိုင်ငံ တော်ကို ဖော်ုထတ်ပြသခြင်းလည်းဖြစ်သည်။ အကြောင်းမှာ နတ်ဆိုးများသည် ဘုရား သခင်၏နိုင်ငံတော် အခွင့်အာဏာတော်မှ နှင်ထုတ်ခြင်းခံရသောသူများဖြစ်သည်။ နောက်ဆုံး အကျဉ်းချုံးပါက ဆန့်ကျင့်တိုက်ခိုက်နေသော နိုင်ငံတော်(၂)ခုရှိသည်။ ၎င်းတို့ မှာ ဘုရားသခင်၏နိုင်ငံတော်နှင့် စာတန်၏နိုင်ငံတော်တို့ဖြစ်ကြသည်။

            တဖန် ကောလောသဲ၊ ၁း၁၂-၁၄ တွင် ရှင်ပေါလုက

“အလင်း၌နေသော သန့်ရှင်းသူတို့၏အမွေကို ငါတို့သည် ဆက်ဆံဝင်စားထိုက်မည် အကြောင်း ကျေးဇူးပြုတော်မူ၏။ မှောင်မိုက်တန်ခိုးမှလည်း ငါတို့ကို နုတ်၍ ချစ်တော်မူ သော သားတော်၏နိုင်ငံတော်ထဲသို့ သွင်းတော်မူ၏။ ထိုသားတော်၏အသွေးအားဖြင့် အပြစ်လွှတ်တော်မူခြင်းတည်းဟူသော ရွေးနုတ်တော်မူခြင်းကျေးဇူးကို ငါတို့သည် ခံရ ကြ၏။”

            ဤနေရာ၌လည်း ပိုင်နက်(သို့)နိုင်ငံတော်(၂)ခုရှိကြောင်း သတိပြုမိစေလိုပါသည်။ ကျွန်ုပ်တို့အမွေခံစားရမည့် အလင်းတရား၏နိုင်ငံတော်နှင့် မှောင်မိုက်တန်ခိုး၏ ပိုင်နက်နိုင်ငံ တို့ဖြစ်သည်။ “ပိုင်နက်နိုင်ငံ” (dominion)သည် ဂရိစကားလုံး “အက်ဇူးဆီးယား”(exusia) မှ ဘာသာပြန်ထားခြင်းဖြစ်သည်။ အဓိပ္ပါယ် “အခွင့်အာဏာ”ဟူ၍ အဓိပ္ပါယ်ရသည်။ တစ် နည်းပြောရရင် ကျွန်ုပ်တို့ အသိအမှတ်ပြုသည်ဖြစ်စေ၊ မပြုသည်ဖြစ်စေ စာတန်မှာ အခွင့် အာဏာရှိသည်ဆိုသော အချက်ပင်ဖြစ်သည်။ သူသည် နိုင်ငံတစ်ခုကို အုပ်ချုပ်သောသူဖြစ် သည်။ ထို့ကြောင့် ဤနိုင်ငံ(၂)ခုသည် အသေအကြေတိုက်ခိုက်ခြင်းဖြစ်သည်။ နောက်ဆုံး သောကာလဖြစ်သည့် အားလျော်စွာ ယနေ့တွင် ၎င်းစစ်ပွဲသည် အထွဋ်အထိပ်သို့ ရောက်ရှိ နေပြီဖြစ်ပါသည်။